Schoulfräi um Briddel den 2. Juli Nomëttes

Wéinst den héijen Temperature, déi ugekënnegt goufen, huet de Schäfferot decidéiert, datt den Nomëtte vum 2. Juli 2025 kee Cours an der Grondschoul um Briddel stattfënnt. D’Enseignante wäerten awer en Accueil-Service ubidde fir d’Kanner, déi net vun hiren Eltere kënne betreit ginn.

Fir e gudden Oflaf vun der Schoul an och vun der Maison Relais ze garantéieren, gitt w.e.g. dem Titulaire vun der Klass an dem Personal vun der Maison Relais (per Telefon oder per Mail op mre@kopstalschoulen.lu) bis spéitstens um 9:00 Auer den 2. Juli 2025 Bescheed, ob Äert Kand present wäert sinn oder net.

De Schoultransport gëtt wéi gewinnt vun der Gemeng assuréiert.