Pacs

Déi zwee Partner mussen eng offiziell a gemeinsam Wunnadress um Territoire vun der Gemeng Koplescht hunn.

Néideg Dokumenter

1. Gülteg Identitéitskaart fir EU-Staatsbierger, gültege Pass fir Net-EU-Bierger, sou wéi eng Openthaltskaart fir Leit déi keng lëtzebuergesch Nationalitéit hunn.
2. Eng integral Kopie vum acte de naissance datéiert ënnert 3 Méint fir Lëtzebuerg a Frankräich an ënnert 6 Méint fir en acte de naissance aus engem anere Land. 
3. Wann Dir net zu Lëtzebuerg gebuer sidd, musst Dir en Zertifikat néant ufroen. Dësen Zertifikat gëtt op Är Adress geschéckt a muss en Deel vum Dossier sinn.
4. Beweis datt Dir celibataire sidd (ausser fir Lëtzebuerger): Äre Status als Celibataire muss mat engem Zertifikat vun Ärem Land bewise ginn (certificat de célibat : certification de coutume / Ledigkeitsnachweis). Am Zweiwelsfall biede mir Iech den Offizéier vum État civil vun der Gemeng ze kontaktéieren.
5. Fir gescheete Leit: eng integral Kopie vum acte de mariage mat Mentioun vun der Scheedung oder eng integral Kopie vun der Transkriptioun vun der Scheedung. Fir Wittfraen a Wittmänner: den acte de décès oder den acte de naissance vum verstuerwene Partner, deen den Doud ernimmt. Ee Scheedungsurdeel geet net duer!
6. Fir Leit, déi schonn eng Partnerschaft ofgeschloss a opgeléist hunn: ee rezenten Zertifikat vun der Opléisung vun der Partnerschaft. Wann d'Partnerschaft virum 1. November 2010 ofgeschloss gouf: ee rezenten Zertifikat vum répertoire civil deen d'Opléisung vun der Partnerschaft ernimmt huet.
    

Iwwersetzung vun den Dokumenter

All auslännesch Dokumenter mussen entweder op Franséisch, Däitsch oder Englesch vun engem vereedegten Iwwersetzer zu Lëtzebuerg oder vun der Ambassade vun Ärem Land iwwersat ginn.

Haag Apostille

All Dokumenter, déi an engem Net-EU Land ausgestallt gi sinn, musse mat enger Haag Apostille versi sinn (oder mat enger Legalisatioun fir déi Länner déi d'Haager Ofkommes vum 5. Oktober 1961 net ratifizéiert hunn). 

Soumissioun vum Dossier an Ofschloss vun der Partnerschaft

Wann den Dossier fäerdeg ass, frot wgl. e Rendez-vous beim Offizéier vum État civil ënnert der Nummer: 27 327 - 203 oder per E-Mail op: population@kopstal.lu fir den Dossier ofzeginn.

D'Ënnerschreiwe vum Akt gëtt jee no Eenegung gemaach, eventuell wärend engem zweete Rendez-vous.

Fir Informatiounen iwwert eng gemeinsam oder eesäiteg Opléisung vum Pacs kënnt Dir follgende Link opruffen: